Një person me rrezikshmëri të lartë, i shpallur në kërkim për disa vepra penale, është arrestuar sot gjatë operacionit policor të koduar “Fundi i arratisë”.
Në pranga u vu shtetasi Fadil Tërnova, 32 vjeç. Në momentin e ndërhyrjes ai u gjend i fshehur në ambientet e bodrumit të hapur enkas në një prej dhomave, që ishte i mbuluar me pllakat e dyshemesë.
Policia kishte informacione për vendin ku rrinte i fshehur ai dhe ndërhynë forcat e Drejtorisë Vendore të Policisë Dibër, forcat speciale RENEA, në bashkëpunim me Komisariatin e Policisë Bulqizë.
NJOFTIMI
Operacioni nga Drejtoria Vendore e Policisë Dibër, forcat speciale RENEA, në bashkëpunim me Komisariatin e Policisë Bulqizë.
Kapet dhe vihet në pranga një person me rrezikshmëri të lartë shoqërore.
Gjatë operacionit për kapjen e tij, forcat RENEA i gjetën dhe një ārmë zjarri pistoletë me municion luftarak.
Në vijim të punës për kapjen e personave në kërkim, nga strukturat e DVP Dibër, në bazë të një informacioni të marrë në rrugë operative, për vendndodhjen e një personi me rrezikshmëri të lartë shoqërore, i shpallur në kërkim për disa vepra penale, si dhe duke vlerësuar rrezikshmërinë që ky person paraqiste, janë koordinuar veprimet me Komisariatin e Policisë Bulqizë dhe është kërkuar mbështetja e forcave speciale RENEA.
Mbi bazën e këtyre informacioneve u organizua dhe u finalizua me sukses operacioni policor i koduar “Fundi i arratisë”, në kuadër të të cilit, në fshatin Vajkal të Bulqizës, pas rrethimit të banesës u bë e mundur kapja dhe prangosja e shtetasit të kërkuar Fadil Tërnova, 32 vjeç, i cili në momentin e ndërhyrjes u gjend i fshehur në ambientet e bodrumit të hapur enkas në një prej dhomave, që ishte i mbuluar me pllakat e dyshemesë.
Gjatë operacionit, forcat speciale RENEA gjetën dhe sekuestruan një ārmë zjarri pistoletë tip “Glock” që e mbante pa leje dhe fishekë luftarak.
Ky shtetas ishte person i shpallur në kërkim që prej vitit 2018, për veprat penale “Heqja e paligjshme e lirisë”, “Kanosje për të mos kallëzuar krīmin” dhe “ārmëmbajtja pa leje”. Për këto vepra penale, Gjykata e Shkalles së Parë Dibër i ka caktuar këtij shtetasi masën e sigurisë “Arrest në burg”
Shtetasi Fadil Tërnova është person me rrezikshmëri të theksuar krīminale. I dënuar për vrāsjen e shtetasit Sh. Sh., në vitin 2013, në Bulqizë, i arrestuar e dënuar më parë për veprën penale “ārmëmbajtja pa leje”, si dhe i proceduar disa herë për vepra të ndryshme penale kundër personit si “Përndjekja”, “Kanosja”, “Mosbindje ndaj urdhrit të punonjësit të rendit publik’’ dhe “Shkatërrim i pronës’’
Gjithashtu ky shtetas dyshohet se është organizator dhe autor kryesor për gjobëvënie.
