Drejtori i përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, tha se rënia e numrit të të infektuara me virus në të gjithë botën ishte inkurajuese, por paralajmëroi se nuk ishte koha për të lehtësuar masat kufizuese.

Ai deklaroi se numri i rasteve të raportuara të infeksionit në nivelin global ka rënë për katër javë, dhe numri i vdekjeve për dy javë.

“Kjo rënie duket se ka qenë për shkak të vendeve që janë më të rrepta në zbatimin e masave të shëndetit publik. E gjithë kjo duhet të na inkurajojë, por kënaqësia është po aq e rrezikshme sa vetë virusi,” tha Ghebreyesus.

Kjo nuk është koha për të lehtësuar masat

Ai shtoi se tani nuk është koha për çdo vend që të lehtësojë masat ose për ndonjë individ të relaksohet.

“Çdo jetë që humbet tani është edhe më tragjike sepse vaksinimi ka filluar,” tha kreu i OBSH.

Janë 108 milion raste të regjistruara të infeksionit me koronavirus në botë, ku 2.3 milion njerëz kanë vdekur nga efektet e COVID-19.