Është shoqëruar me debate votimi i amendamenteve të ligjit të propozuar nga maxhoranca në lidhje me krijimin e Agjencisë për Dialog dhe Bashkëqeverisje në Komisionin e Ligjeve.
Ndërsa po votohej për amendamentin e propozuar nga deputeti demokrat Enkelejd Alibeaj, kryetarja e këtij Komisioni Klotilda Bushka e rrëzoi atë duke thënë se 11 prej deputetëve kishin votuar kundër.
Mirëpo deputeti i Partisë Demokratike Gazment Bardhi e akuzoi atë se manipuloi votat e socialistëve, duke i shtuar ato.
“Kryetare di të numërosh? Mos manipulo votat!”-kundërshtoi Bardhi. Por zonja Bushka këmbënguli se ishin 11, megjithatë tha se kjo do konfirmohej nga kamerat.
Klotilda Bushkaj: Kush është dakord me propozimin e Alibeaj për ta hequr nenin? As ju nuk jeni dakord për propozimin e Alibeaj? Votoni pra, se prandaj e kemi të hapur?
Gazment Bardhi: Po kur flet ti na more mend!
Klotilda Bushkaj: Shtatë. Më shumë se ti merr mend ti o Gaz. Kush është kundër? 11 kundër bie ky propozim.
Gazment Bardhi: Bie? Si i numërove 11? Nuk ishim 11. I vidhni dhe votat sy më sy! S’ishin 11!
Klotilda Bushka: 11 pro kundër 4. Vazhdojmë me nenin 4.
Gazment Bardhi: Kryetare di të numërosh? Mos manipulo votat!
Klotilda Bushka: Unë numëroj duart që ngrini ju.
Gazment Bardhi: Jemi gjashtë këtu.
Klotilda Bushka: Unë numërova aq duar sa u ngritën. Ka dhe kamera këtu, Nëse s’e kishin mendjen, kijeni dhe votoni.
Gazment Bardhi: Mendjen e kemi ne!
Klotilda Bushka: Mos kini merak se nuk ua ha votën!
