Deputetët e opozitës kanë vazhduar aksionin e tyre duke bllokuar Komisionin e Sigurisë, ku do të diskutohej për marrëveshjen e arritur nga Kryeministri Edi Rama me homologen Giorgia Meloni për emigrantët.
Deputeti i PD-së, Flamur Noka, njëkohësisht nënkryetar i këtij komisioni, u ul në karrigen e kryetarit Nasip Naço, duke i zënë vendin.
Gjatë debateve mes tyre Noka u shpreh se kreu i qeverisë Edi Rama i trajton deputetët e PS-së si kartona. Ndërsa Nasip Naço, i cili qëndronte në këmbë pranë Nokës, vendosi të zhvendoste mbledhjen online.
Ndërsa deputeti i PD-së ironizoi vendimin e tyre, duke iu drejtuar që “bëjeni mbledhjen tek zyra e Lindës së Parlamentit”.
Replikat:
Flamur Noka: Ne deputetët e Rilindjes, i kemi kolegë, por Rama nuk i trajton si deputetë por si kartona.
Nasip Naço: Do të vazhdojmë online
“Po pse online”, i drejtohen deputetët e PD-së, ndërsa Naço u përgjigjet: “S’na lini ju”, dhe largohet nga salla ku do të zhvillohet mbledhja.
Flamur Noka: Bëjeni tek zyra e Lindës së Parlamentit, atje bëni mbledhje