Maqedonia tashmë do të njihet me emrin,“Republika e Maqedonisë së Veriut”. Ligjvënësit në kuvend, pas një beteje të gjatë miratuan me 81 vota pro 4 amendamentet për ndryshimet kushtetues sipas marrëveshjes së prespës.

 

Pas votimit në parlament, kryeministri Zoran Zaev uroi qytetarët dhe ligjvënësit duke thene se së bashku i hapën vendit dyert drejt antarësimit në NATO dhe Bashkimit Europian.

 

“Uroj qytetarët dhe deputetëve për ndërmarrjen e përgjegjësisë për ndryshimet kushtetuese me të cilin, së bashku i hapëm dyert e nato-s dhe të be-së për republikën e maqedonisë. Në të njëjtën kohë, falenderoj sekretarin e përgjithshëm të nato-s, jens stoltenberg, i cili më përmes një bisede telefonike, uroi të gjithë qytetarët e vendit tone për suksesin historik dhe perspektivat e reja që do t’i happen vendit”.

 

Ndërsa kryparlamentari Talat Xhaferi përshëndeti votimin historik me anë të një postimi në facebook, duke thënë se “rruga e Republikës së Maqedonisë drejt NATO-s dhe BE-së vazhdon”.

 

Megjithatë këto ndryshime do të hyjnë në fuqi vetëm pasi parlamenti grek ta ketë ratifikuar marrëveshjen.

Subscribe kanalin tonë në Youtube për të mos humbur asnjë video të re