Skip to content

Reshjet e dëborës bllokohen 5 fshatrat e Skraparit, akset nacionale të qarkut të Beratit janë të hapura (Ja çfarë duhet të dinë shoferët)

Ndajeni këtë artikull me të tjerë duke klikuar ikonat më poshtë

Sipas informacioneve të marra bëhet me dije se në disa zona rreth Tomorit trashësia e dëborës ka arritur në 25-30 cm. Edhe pse raportohet se të gjitha akset nacionale të qarkut të Beratit janë të hapura dhe me qarkullim të pandërprerë, 5 fshatra rreth Tomorit janë të izoluara nga dëbora që prej mëngjesit të sotëm.

Fshatrat: Gjerbës, Qafë Dëvri, Leshnje, Gërdec dhe Zaloshnje janë të izoluar nga dëbora,ndërkohë që fshatrat: Potom, Gjerbës, Leshnje e Tomorr në bashkinë Skrapar dhe fshatrat: Tomorricë e Karakanjoz në bashkinë Poliçan janë pa energji elektrike prej disa orësh. Burimet zyrtare nga OSHEE-ja Berat konfirmojnë se të gjitha ekipet janë në terren dhe po punojnë për rikthimin sa më të shpejtë të energjisë elektrike në të gjitha zonat ku ka probleme me ndërprerjen e energjisë.

Ndajeni këtë artikull me të tjerë duke klikuar ikonat më poshtë