Kryetari i Partisë së Lirisë Ilir Meta gjatë një takim me këshilltarët e kësaj force politike të dalë nga zgjedhjet e 14 majit, u ndal edhe tek raporti i fundit i Parlamentit Evropian.
Meta u shpreh se një nga pikat e prekura nga raporti, ishte pikërisht shembja e Prestige Resort”, për të cilën PE ka kërkuar sot një hetim më të thelluar mbi çështjen.
“Zgjedhjet e fundit reflektohen qartë edhe në komisionin e jashtëm të PE që sapo miratoi raportin për vendin tonë ku u theksua problemi i partive që të paraqiten në zgjedhje pa ndërhyrjen e shtetit.
Është e qartë që kemi të bëjmë me një njohje të pabarazisë në zgjedhje e gjithçkaje që bëri qeveria për të goditur opozitën e për të vendosur diktatin e saj mbi lirinë e votuesve për të zgjedhur.
Njëkohësisht PE shprehu shqetësimin e thellë për ngushtin e hapësirës mbikëqyrëse të opozitës, përfshirë edhe mungesën e ngritjes së Komisionit Hetimor.
Referimi është për rrëzimin e kërkimit të opozitës për komision mbi rolin e Ramës në skandalit McGonigal.
PE në raport theksohet gjithashtu se duhet hetim për shembjen e paligjshme të aseteve të mediave si “Prestige Resort” dhe Neës24.
Ky raport shpreh shqetësim se nuk ka progres në pastrimin e parave dhe korrupsionin në nivelet më të larta”, tha ai.