Hakerat rusë, kinezë dhe iranianë po përpiqen të spiunojnë njerëz dhe grupe të përfshira në zgjedhjet presidenciale të SHBA 2020, thotë Microsoft. Hakerët rusë që ‘pushtuan’ fushatën presidenciale në vitin 2016 janë përfshirë përsëri tha firma e teknologjisë. Microsoft tha se ishte “e qartë se grupet e huaja të aktivitetit kanë rritur përpjekjet e tyre” që synojnë zgjedhjet. Ata kanë si synim fushatat e Presidentit Donald Trump dhe demokratit Joe Biden.
Hakerat rusë nga grupi Strontium kanë synuar më shumë se 200 organizata, kryesisht të lidhura me partitë politike të SHBA, si republikanët ashtu edhe demokratët, tha Microsoft në një deklaratë. Të njëjtët sulmues kibernetikë shënjestruan edhe partitë politike britanike, tha Microsoft, pa specifikuar se cilat.
Në deklaratën e Microsoft u tha gjithashtu se individë të shquar në komunitetin e çështjeve ndërkombëtare, institucione akademike dhe organizata të politikave ishin në shënjestër të grupit kinez të piraterisë, të njohur si Zirconium. Grupi iranian i njohur si “Fosfori” ka kërkuar pa sukses për të hyrë në llogaritë e zyrtarëve të Shtëpisë së Bardhë dhe stafit të fushatës së Trump midis majit dhe qershorit të këtij viti.
/faxweb
