Rikthehet Kupa e Shqipërisë, sfidat çerekfinale premtojnë spektakël

E marta dhe e mërkura rikthen Kupën e Shqipërisë, ku do të luhen ndeshjet e para çerekfinale.

Të martën, në stadiumin “Adush Muçaj”, Bylisi do të presë Vllazninë në duelin e parë, ku ballshiotët do të tentojnë surprizën. Në anën tjetër, kuqeblutë vijnë në një moment mjaft pozitiv, duke numëruar shtatë fitore radhazi mes Kupës dhe kampionatit.

Po të martën, në orën 16:30, Teuta do të presë Egnatian në stadiumin “Niko Dovana”. Një duel i fortë, ku të dyja skuadrat synojnë kualifikimin në gjysmëfinale.

Teuta vjen në këtë sfidë pas një periudhe jo shumë të mirë, ndërsa Egnatia u rikthye te fitorja në ndeshjen e fundit të kampionatit ndaj Flamurtarit.

Të mërkurën do të luhen edhe dy ndeshjet e tjera çerekfinale. Në orën 13:30, Tirana do të përballet me Dinamon në stadiumin “Selman Stërmasi”. Pas barazimit në kampionat, skuadrat vijnë në këtë sfidë me synimin për të marrë maksimumin dhe për të tentuar fitoren.

Elbasani do të presë Partizanin, me ndeshjen e programuar të nisë në orën 16:30. Pritet një përballje spektakolare, ku të dyja ekipet synojnë një rezultat pozitiv për të hedhur një hap të rëndësishëm drejt gjysmëfinaleve të Kupës së Shqipërisë.

Sfidat:

Bylis-Vllaznia, stadiumi “Adush Muçaj” (e martë, 13:30)

Teuta-Egnatia, stadiumi “Niko Dovana” (e martë, 16:30)

Tirana-Dinamo City, stadiumi “Selman Stermasi” (e mërkurë, 13:30)

AF Elbasani-Partizani, stadiumi “Elbasan Arena” (e mërkurë, 16:30)