Është luajtur në tre ditë java e 28 e Kategorisë Superiore me rezultate interesante. Në kryendeshjen e javës,Skënderbeu rikthehet duke arritur një fitore të madhe në Vlorë ku do të rikthehet ndeshjen e kthimit për gjysëmfinalen e Kupës. Vllaznia arrin një fitore të thjeshtë ndaj Lushnjes dhe tashmë distanca me Teutën është tre pikë në pritje të ‘’finales’’ së javës së ardhshme.
Ndërsa lufta për vendin e dytë është spostuar tashmë mes Kukësit dhe Partizanit. Verilindorët fitojnë me vetëm një gol në Kamëz duke future skuadrën vendase në krizë. Ndërsa me tre gola të shënuar Partizani e heq nga lista e ‘’maces së zezë’’ Laçin.
Vllaznia 4-0 Lushnja
Shënues: Sukaj 6’, 46’, Ribaj 15’, Pusi 82’
Ndeshja nis shpejt me gola për Vllazninë që shënon dy gola të ngjashëm me sulmuesit Sukaj dhe Ribaj dhe shkodranët e gjejnë veten në avantazh të dyfishtë brenda 15’ minutash. Por goli kopertinë vjen në fundin e pjesës së parë kur Sukaj me një goditje të fortë dhe të saktë nga më shumë se 50m gjen një supergol duke përfituar edhe nga dalja e Spahos.
Në pjesën e dytë ka kohë edhe për golin e parë me fanellën e Vllaznisë për të riun Pusi që kompleton ‘’pokerin’’ dhe me Lushnjen që tashmë humbjen e ka kthyer në institucion, Vllaznia merr frymë lirisht deri në javën e ardhshme kur udhëton në Durrës.
Luftëtari 0-0 Teuta
Shënues: S’ka
Është mbyllur pa gola sfida në Gjirokastër dhe Teuta ia del të merr pikë aty ku kanë humbur edhe skuadrat e kreut. Ndeshja ka qënë e luftuar dhe të dy skuadrat kanë patur mundësitë e tyre për të shënuar. Tek Luftëtari kishte mungesa ajo e Abazaj mbi të gjitha dhe Shkurtaj ka marrë përsipër ofensivën gjirokastrite. Por edhe ai ka gabuar rastet e veta njësoj si edhe Hila apo Latif për Teutën. Përballë Vllaznisë është momenti kur Teuta duhet të tregoj forcën e vet për ta balancuar luftën për mbijetesë.
Laçi 0-3 Partizani
Shënues: Kardozo 51’, Abdurrahmani 85’, Progni 88’
Në tre ndeshjet e para ndaj kurbinasve, Partizani kishte grumbulluar vetëm një pikë dhe ka gjetur sfidën e djeshme për të ‘’shfryrë’’ inatin e kuq mbi Laçin. Pavarsisht mundësive që kanë patur të dy skuadrat pjesa e parë është mbyllur e bardhë me asnjë nga skuadrat që t’ia dalë të shënoj.
Por nisja e pjesës së dytë solli edhe golat i pari që shënon është Kardozo ndërsa dyfishimi vjen Abdurrahmanin, i cili e nisi nga stoli. Ndërsa për të mbyllur ndeshjen vjen edhe goli i Prognit. Tashmë shpresat për vendin e dytë janë më gjallë se kurrë.
Kamza 0-1 Kukësi
Shënues: Kale 6’
Një gol i shpejtë i brazilianit Elton Kale që në minutën e 6’ vendos sfidën. Më pas Kukësi mendoj të mbrohet ndërsa sulmet e Kamzës u ndalën jo vetëm nga mbrojtja dhe portieri por edhe shtyllat, të paktën në dy raste.
Madje Kamza akuzon edhe gjykimin pasi u mungon në apel edhe një penallti. Pas ndeshjes Kamza është përfshirë në kaos dhe tashmë po përflitet edhe një largim i Ramazan Ndreut nga stolid he tashmë Kamza rrezikon të hyj plotësisht në garë për mbijetesë.
Flamurtari 0-3 Skënderbeu
Shënues: Soue 1’, Dita 12’, Gavazaj 48’
Skënderbeu këtë ndeshje e kishte fituar që në dhomat e zhveshjes me dy skuadra që u sollën ndryshe nga ndeshja e mesjavës. Soue shënon pa u mbyll 60’’ sekondëshi i parë falë kombinimit me Xhejms. Por edhe dyfishimin vjen shpejt për korçarët falë goditjes nga brenda zone të Ditës.
Për ta mbyllur këtë takim vetëm në fillimin e pjesës së dytë është Gavazaj që shënon një super gol pas një inkursioni nga mesfusha dhe tani Skënderbeu qetëson edhe njëherë diferencën me të tjerët.