Komisioni Hetimor për të dhënat e sistemit TIMS është rimbledhur këtë të premte (19 prill).
Nënkryetari i komisionit, Toni Gogu deklaroi gjatë fjalës së tij se mazhoranca ka vullnet të palëkundur për këtë hetim, ndërsa kërkoi të kursehet retorika politike.
“Për të treguar vullnetin tonë të palëkundur për të hetuar, kursyem retorikat politike dhe gjithë kohën e vumë në dispozicion të veprimeve proceduriale. Kaq ishte e gjitha, Ervin”, deklaroi Gogu.
Anëtarët e komisionit ranë dakord të miratojnë kërkesat e ekspertëve për të mbledhur informacion në mënyrë që më pas të vijohet me planin hetimor.
