Nënkryetarja e Partisë së Lirisë, Erisa Xhixho e ftuar në studion e Panorama TV, komentoi fillimisht thirrjes e OSBE/ODIRHR për komisionin e Reformës Zgjedhore, gjë që është në linjë me rezolutën e miratuar nga PE.
Xhixho tha se opozita sot kërkon gjithëpërfshirje, duke përcaktuar dy elementë, proporcionalitet dhe bashkëkryetarin.
“Ky është një rekomandim dhe një sugjerim i saj që në momentin që janë mbyllur zgjedhjet dhe është në një vijë me rezolutën e miratuar në PE.
Opozita sot po kërkon gjithëpërfshirje. Tani bën rreth 2 vite që komisioni nuk është mbledhur dhe nuk ka sjellë asnjë produkt.
Padyshim që parlamenti ka një konfigurim tjetër sot dhe opozita kërkon dy elemente, që të ketë numrat e saj, proporcionalitet dhe bashkëkryetarin, sepse kërkohet një garanci.
Qëllimi i kësaj Reformë është në zgjedhjet e ardhshëm, të jenë më shumë qytetarë që të votojnë.
Zgjedhjet e fundit kanë pësuar një goditje të fortë, si në ato parlamentare dhe ato lokale, ku përfshihet shit-blerja e votës.
Këtu kemi të bëjmë fatet e vendit, të arrijmë zgjedhje të lira, është një standard që Shqipëria duhet ta kryejë” tha ajo.
Sa i takon mbledhjes së radhës se kimisionit dhe qëndrimit që do të mbajë opozita, Xhixho tha se ata i kanë bërë propozimet e tyre edhe në rrugë institucionale dhe situata do të vazhdojë njëjtë deri në miratimin e tyre.
“Opozita i ka bërë kërkesat e saj për zgjidhjen e këtij ngërçi. Ne anën institucionale e kemi ndjekur, kemi propozuar ripërbërjen.
Ai komisionin ai është ilegjitim, për sa kohë nuk ka përbërje. Ne sot duhet të kishim një produkt” shtoi Xhixho.
