Pas një rinumërimi të përpiktë, zyrtarët e Georgias konfirmuan dje se presidenti i zgjedhur Joe Biden mundi presidentin Donald Trump në këtë shtet më 3 nëntor, duke ngushtuar më tej përpjekjen e presidentit për të përmbysur rezultatet e zgjedhjeve.

Sipas mediave të huaja, rezultati i rinumërimit gjashtë-ditor të 5 milionë votave të shtetit ishte pritur gjerësisht, me gjithë akuzat e pabazuara nga Trump dhe aleatët e tij se votat e Georgias ishin të dyshimta për shkak të mashtrimit të përhapur.

Biden, një Demokrat, ka marrë 306 vota elektorale në raport me 232 të Republikanit Trump në Kolegjin Zgjedhor shtet më shtet që përcakton fituesin e zgjedhjeve, shumë më shumë se 270 të nevojshme për fitore.

Trump fitoi Georgia-n në vitin 2016, duke marrë 5 për qind më shumë vota se demokratja Hillary Clinton.

Në vitin 2020, demokratët u përqendruan shumë në këtë shtet, duke e parë atë si një mundësi për fitore, dy vjet pasi demokratja Stacey Abrams humbi ngushtë garën për guvernatore të shtetit.

/faxweb

loading...