Kuvendi Kombëtar i Rithemelimit ka shkarkuar Enkelejd Alibeajn nga posti i kreut të Grupit Parlamentar të PD.
Këshilli Kombëtar që do të dalë sot pas votimit në Kuvend do të zgjedhë kreun e ri të grupit.
“Në mbështetje të statutit të Partisë Demokratike, për organizimin dhe funksionimin e grupit parlamentar të PD, me propozim të Rithemelimit, Kuvendi vendosi të konstatojë vakancën e kryetarit të grupit parlamentar të PD. Ngarkohet Këshilli Kombëtar i partisë për zgjedhjen dhe caktimin së bashku me nënkryetarët edhe të kryetarit të grupit parlamentar të Partisë Demokratike”, tha deputeti Belind Këlliçi.
