Këmbët e 12 të burgosurve të rinj, djem e vajza, u lanë nga Papa Françesku, i cili shkoi në ceremoninë e larjes katolike të të Enjtes së Madhe në burgun e të miturve Casal del Marmo.
Gjatë fjalës së tij, kreu i kishës katolike romake reflektoi mbi kuptimin e zgjedhjes së Jezusit për të larë këmbët e dishepujve të tij, duke theksuar se mësimi që mund të mësohet është se duhet të ndihmojmë njëri-tjetrin.
Papa Françesku, i cili u shtrua në spital për tre ditë javën e kaluar, mbërriti në burg me një makinë Fiat të bardhë. Ai hyri në kapelë me karrocë, ndërsa gjatë liturgjisë kryesisht qëndronte ulur.
Më pas ai eci me ndihmën e një bastuni për të larë këmbët e 10 të rinjve dhe dy vajzave të reja, të cilët ishin ulur në një platformë të ngritur pranë altarit.
Platforma e lejoi Papën të lante dhe puthte këmbët e tyre pa u përkulur në tokë, siç kishte bërë në vitet e mëparshme.
Para zgjedhjes së Françeskut, ceremonia e së Enjtes së Shenjtë katolike mbahej gjithmonë në Bazilikën e Shën Gjon Lateranit në Romë. Megjithatë, kur u zgjodh, ai vendosi të ndryshojë traditën dhe të arrijë tek njerëzit që vuajnë dhe ndihen të margjinalizuar.
Por telogjikisht, nëse ky rit papal paska një referim nga Jezui, atë që ky u ka larë këmbët dishempujve(pse dhe në ç’rrethanë?), të burgosurit, qoftë këta dhe të mitur, nuk mund të kenë paralele me dishempujt. Më e pakta dhe më thelbësorja, dishempujt nuk ishin keqbërës, të denjë për burg. Mirë larje, po pse dhe puthje?! /tesheshi.com/
