Njësitë e Rojës Bregdetare Turke në provincën Aydin shpëtuan dhjetëra migrantë të parregullt të cilët u dëbuan ilegalisht në ujërat territoriale të Turqisë nga autoritetet greke.
Njësitë morën informacion për situatën e vështirë të emigrantëve në një gomone në brigjet e Tekeagac dhe nxituan për t’iu dalë në ndihmë, duke i shpëtuar përfundimisht të 28 prej tyre.
Ata u dërguan në zyrën rajonale të migracionit për procedim të rregullt.
Një nga emigrantet thuhet se lindi në varkë. Nëna dhe foshnja e saj janë dërguar në një institucion shëndetësor për kontroll.
Turqia dhe grupet ndërkombëtare të të drejtave të njeriut kanë dënuar në mënyrë të përsëritur praktikën e paligjshme të Greqisë të shtyrjes me forcë të azilkërkuesve, duke thënë se kjo është shkelje e vlerat humanitare dhe të drejtës ndërkombëtare duke rrezikuar jetën e njerëzve, përfshirë gratë dhe fëmijët.
Turqia konsiderohet si një nga pikat kyçe të tranzitit për emigrantët e parregullt që duan të kalojnë në Evropë për të filluar jetë të reja, veçanërisht ata që ikin nga lufta dhe persekutimi në vendet e tyre.
Vendi tashmë strehon 4 milionë refugjatë, më shumë se çdo vend tjetër në botë dhe po merr masa të reja sigurie në kufijtë e saj për të parandaluar në mënyrë humane një fluks të ri emigrantësh.
Burimi: AA
