Ka disa faktorë që shkaktojnë rrathët e zinj poshtë syve. Na bëjnë të dukemi të lodhur, i shtojnë vite moshës sonë reale. Gjenetika, modelet e parregullta të gjumit, stresi, alergjenët …ka një mori arsyesh përse krijohen rrathët e zinj poshtë syve. Në këtë artikull, do të shqyrtojmë shkaqet e ndryshme që qëndrojnë pas këtij ndryshimi të papritur të ngjyrës së lëkurës rreth syve tuaj dhe çfarë saktësisht po përpiqet t’ju tregojë trupi juaj përmes këtyre rrathëve të errët.
“Rrathët e errët poshtë syve janë një çështje shqetësuese për një numër të madh njerëzish. Ata janë të pakëndshëm dhe të sikletshëm në fund të fundit. Këto qese poshtë syve mund ta bëjnë njeriun të duket i lodhur, i moshuar dhe madje i sëmurë,” thotë Dr. Shareefa Chause, Dermatologe.
Çfarë i shkakton rrathët e errët?
Emri ‘hiperpigmentimi periorbital’, kështu i quan bota mjekësore rrathët tuaj të errët. Është thjesht një shtresë e errët e lëkurës që shfaqet nën sytë tuaj. Mund t’i shkaktojnë gjenet tuaja, zakonet e jetës ose thjesht mjedisi i jashtëm. Vini re se lëkura rreth syve ka tendencë të jetë super e ndjeshme dhe ndoshta tregon shenjat e para të lodhjes ose stresit tonë.
Dhe po, pagjumësia e vazhdueshme mund ta theksojë problemin, duke shkaktuar ënjtje dhe duke e errësuar më tej lëkurën poshtë syve tuaj. Por, ka edhe më shumë. Stresi i tepërt, moshidratimi i mjaftueshëm ose përballja me probleme të qarkullimit të dobët gjithashtu sjell krijimin e rrathëve të zinj poshtë syve.
Duke folur për TheHealthSite.com, Dr. Chause tha: “Rrathët e zinj janë shqetësimi më i rëndësishëm kozmetik në mbarë botën. Ato shfaqen për shkak të gjenetikës, pirjes së duhanit, alkoolit dhe kushteve mjekësore si hemoglobina e ulët, fërkimi i shpeshtë i syve, pilula pa recetë. Lëkura e thatë, dermatiti atopik ose ekzema, është një sëmundje kronike (që zgjat) që shkakton inflamacion, skuqje dhe acarim të lëkurës, rrathët e errët përkeqësohen me plakjen për shkak të humbjes së yndyrës nënlëkurore. Me kalimin e kohës, lëkura humbet yndyrën dhe kolagjenin, duke shkaktuar që enët e gjakut të fillojnë të shfaqen mbi muskujt dhe mund të krijohen rrathë të errët, madje edhe kur shikoni në mjetet elektronike për një kohë më të gjatë, fërkimi i syve dhe mungesa e larjes si duhet mund të shkaktojnë rrathë të errët.”
Si të menaxhoni rrathët e errët?
Trajtimi i rrathëve të zinj varet nga faktorët etiologjikë, trajtimi i shkaktarit është gjëja më e rëndësishme, përveç kremrave me kafeinë dhe peptide për të menaxhuar rrathët e zinj, ja çfarë ju sugjeron mjeku:
- Masazhoni pjesën e poshtme të syve me vaj Argani
- Përdorni një maskë të mirë hidratuese për fytyrën
- Bëni gjumë të mirë dhe
- Shmangni fërkimin ose prekjen e vazhdueshme të syve
Masazhimi mund të ndihmojë në reduktimin e mbajtjes së lëngjeve dhe përmirësimin e qarkullimit, duke ndihmuar në fund të fundit në zvogëlimin e shfaqjes së rrathëve të errët me kalimin e kohës. Duhet gjithashtu të keni një dietë të ekuilibruar që përfshin të gjithë lëndët ushqyese.
- Menaxhoni dietën tuaj
- Mbroni sytë tuaj nga rrezet UV
- Hidratimi është çelësi
Si të shpëtojmë nga rrathët e errët në mënyrë natyrale?
Për të hequr qafe rrathët e zinj është thelbësore që të shikoni ndikimet tuaja të brendshme dhe të jashtme. Filloni duke i dhënë vetes gjumë të mjaftueshëm, pini sa më shumë ujë dhe ushqeni trupin tuaj me një dietë të mbushur me lëndë ushqyese.
Gjithashtu, është jetike të mbani mend se pavarësisht nga të gjitha ndryshimet në stilin e jetës, nëse ende nuk mund të shpëtoni nga ato rrathë të errët të frikshëm, rekomandohet që të merrni parasysh një konsultë shëndetësore profesionale. Kontaktoni menjëherë një dermatolog ose një nutricionist, pasi ata mund të thonë shumë për shëndetin tuaj të përgjithshëm.
Burimi:thehealthsite.com
