Skip to content

Rrëfimi tronditës i azilkërkuesit shqiptar në Britani: Nuk mund të kthehem në vendin tim, do më vrasin

Ndajeni këtë artikull me të tjerë duke klikuar ikonat më poshtë

Një azilkërkues shqiptar në Britani ka rrëfyet për The Guardian momentet e tmerrit që përjetoi teksa autoritete vendase atje do ta dëbonin në Ruanada, në Afrikën Lindore.

 

26-vjeçari shqiptar ka thënë se ishte në gjendje shumë të rënduar mendore, teksa po priste të hipte në fluturimin e depërtimit për në Ruanda. Shqiptari është një nga shtatë azilkërkuesit që kanë nisur sfidat ligjore të minutës së fundit për të shmangur fluturimin me forcë në vendin e Afrikës Lindore.

 

“Në Shqipëri jam shfrytëzuar nga trafikantët për gjashtë muaj. Më trafikuan në Francë. Nuk e dija se në cilin vend po më çonin. Jam në një gjendje shumë të keqe mendore. Nuk dija asgjë për Ruandën . Nuk kam qenë kurrë në Afrikë dhe nuk mendoj se do të jetë e sigurt për mua. Nuk mund të kthehem në Shqipëri se do të më vrasin trafikantët atje. I vetmi vend i sigurt për mua është Anglia. Si mund të dërgojnë një shqiptar në Afrikë?”, thotë i tmerruar shqiptari, për The Guardian.

 

Ai tha se kishte menduar të vriste veten në vend që të hipte në avion. Ndërkohë, një nga burrat iranianë tha: “Unë prisja mbështetje nga qeveria e Mbretërisë së Bashkuar, por nuk mora asnjë, kështu që po i kërkoj popullit britanik të më mbështesë në vend të kësaj”.

Ndajeni këtë artikull me të tjerë duke klikuar ikonat më poshtë