Detaje të reja nga dhunimi dhe rrëmbimi i 49 vjeçarit të identifikuar si Jak Prenga, dy ditë më parë Kamëz. Vetëm dy ditë pas rrëmbimit, automjeti i autorëve “Range Rover” i denoncuar i vjedhur, është gjetur sot i djegur në Durrës.Ndërkohë, policia nuk ka ende asnjë të dhënë mbi vendndodhjen e Prengës. 49 vjeçari i rrëmbyer, i cili me dokumenta quhej Jurgen është rrahur dhe rrëmbyer nga dy persona të cilëve dyshohet se u kishte një borxh te pashlyer. Jak Prenga dyshohet se nuk i ka shlyer autorëve të gjithë shumën e parave që u detyrohej pasi u kishte blerë makinën.
Kujtojmë se, Jak Prenga u rrëmbye dy ditë më parë në Kamëz nga persona të maskuar. Autorët e morën me forcë dhe u larguar në drejtim të paditur. Ngjarja ka ndodhur në rrugën “Londër” në Kamëz dhe pavarësisht se Policia ka ngritur menjëherë disa pika kontrolli, Jak Prenga nuk është gjetur ende.
