Të paktën 10 persona janë zhdukur sot pas rrëshqitjes së tokës në qytetin Ask të Norvegjisë.
“Ne besojmë me siguri të konsiderueshme se ka njerëz në zonën e rrëshqitjes së tokës”, u tha gazetarëve Roger Pettersen, menaxheri i operacioneve të shpëtimit.
Rrëshqitja shembi disa ndërtesa ndërsa policia e përcaktoi atë si një “katastrofë”, ndërsa operacionet e kërkimit dhe shpëtimit vazhduan gjatë natës megjithë kushteve të vështira.
Të paktën 10 persona po ashtu u lënduan, një me dëmtime serioze dhe rreth 1.000 të tjerë u evakuuan nga zona e rrëshqitjes.
Sipas mediave lokale, policia raportet e para i mori të mërkurën në mëngjes rreth orës 4 të mëngjesit dhe të gjitha shërbimet e urgjencës, përfshirë ambulancat, helikopterët, policinë, ushtrinë dhe Kryqin e Kuq u vendosën në qytetin e vogël norvegjez, 20 kilometra në verilindje të kryeqytetit Oslo.