Një palestinez u vra dhe nëntë të tjerë u plagosën kur ushtria izraelite bastisi qytetin Nablus në Bregun Perëndimor të pushtuar, tha media zyrtare palestinezë.
Sipas agjencisë së lajmeve Wafa, Leys Mohammad Bakir Nasasra, 21 vjeç, u vra nga të shtënat e ushtrisë izraelite kur shpërthyen përleshjet midis forcave izraelite dhe palestinezëve që i rezistuan bastisjes në Beit Furik.
Vrasja e fundit ka rritur numrin e të vrarëve nga sulmet e forcave izraelite dhe kolonëve në Bregun Perëndimor të pushtuar që nga fillimi i luftimeve izraelito-palestineze muajin e kaluar në 182, tha agjencia.
Tensionet kanë qenë të larta në gjithë Bregun Perëndimor që nga shpërthimi i konfliktit më 7 tetor midis grupeve palestineze dhe Izraelit në Rripin e Gazës.
Burimi: AA
