Skip to content

Rritet sërish çmimi i karburanteve në vend, sa do shiten nafta, benzina dhe gazi prej orës 18:00

Ndajeni këtë artikull me të tjerë duke klikuar ikonat më poshtë

Bordi i Transparencës ka publikuar çmimet e reja të karburanteve në vend, duke pësuar sërish rritje.

Mësohet se nafta do të shitet duke nisur me 265 lekë për litër, benzina me 241 lekë për litër ndërsa gazi me 86 lekë.

Çmimet e caktuara nga Bordi do të hynë në fuqi sot pasdite pas orës 18:00.

Vendimi i Bordit: 

Bordi i Transparencës në datë 17 Qershor 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të jetë 265 lekë/litri, ndërsa i shitjes me shumicë 253 lekë/litër.

Çmimi i shitjes me pakicë i nënproduktit benzinë e standardit SSH EN të jetë 241 lekë/litri,ndërsa i shitjes me shumicë 229 lekë/litër.

Çmimi i shitjes me pakicë i nënproduktit gaz, të jetë 86 lekë/litri me pakicë dhe i shitjes me shumicë 74 lekë/litër për automjetet.

( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 17 Qershor ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Jemi në monitorim të vazhdueshëm të ecurisë së bursave, me qëllim reagimin sa më të shpejtë.

/faxweb

Ndajeni këtë artikull me të tjerë duke klikuar ikonat më poshtë