Rritja e pagave në polici/ Fishta: Më shumë përfitojnë ata që kanë largësi. Krimet ku autorët largohen? Ka rrjedhje informacioni brenda rradhëve të policisë

fishta.png

Ndajeni këtë artikull me të tjerë duke klikuar ikonat më poshtë

Kreu i sindikatës së Shërbimeve Policore, Sadetin Fishta ka dhënë një intervistë për Fax News ku ka folur në lidhje mrritjen e pagave të punonjësve të policisë që sipas vendimit të qeverisë do të mund të varionte deri në 150% të vlerave aktuale.

Fishta tha se kjo rritje page do të vlente vetëm për punonjësit e policisë të cilët do të punonin apo do të caktoheshin me detyrë jashtë vendbanimit të tyre. Ndërsa shtoi se kjo mund të shërbente si shkak që shumë punonjës të kërkojnë transferim, gjë që sipas tij, mund të ndodhte vetëm për arsye pune.

Fishta: Për ata punonjës të cilët janë pranë vendbanimit nuk ka ndonjë shtesë, është po ajo bazë që ka qenë. Nuk ka ndonjë ndryshim page. Por nëse do merren ata punonjës të cilët janë të nivelit zbatues që është numër mbi 6 mijë punonjës, ata duhet të ishin trajtuar me shtesën për gradë të cilën qeveria duhet ta kishte miratuar. Pra me gradën inspektor i dytë dhe inspektor i parë. Akoma që në 2018, kur u mendua të bëhej kjo, ende qeveria nuk ka marrë asnjë nismë për ta konkretizuar.

A mund të ndikojë që punonjësit e policisë në mënyrë që të fitojnë pagë më të lartë të kërkojnë transferimin?

Fishta: Po sigurisht që mund të ndodhë, por kjo duhet të jetë për arsye pune. Pra jo vetë me kërkesë.

Kreu i sindikatës gjithashtu foli për elementët ekriminale dhe vrasjet apo operacionet ku autorët arrijnë të aratisen duke pranuar se brenda rradhëve të policisë mund të kishte rrjedhje informacioni por që kjo po luftohej vazhdimisht.

Fishta: Fakti që personat që kryejnë krimet largohen bën të dyshohet se edhe brenda policisë ka persona të cilët bashkëpunojnë me ta për të fshehur krimin. Kështu që lufta për të goditur këtë fenomen besoj do jetë e vazhdueshme, nuk është një luftë që ka filluar sot. Rrjedhje ka pasur pra rredhje të informacionit, por që kjo dëmton rëndë policinë e shtetit.

/faxweb

Ndajeni këtë artikull me të tjerë duke klikuar ikonat më poshtë