Rritja e Shqipërisë në futboll/ Duka: Një realitet në rritje të vazhdueshme, me punë shkojmë larg

Armand-Duka.jpeg

Ndajeni këtë artikull me të tjerë duke klikuar ikonat më poshtë

Shqipëria U21 mundi 2-0 Slloveninë pak minuta më parë, në takimin që vlejti për kualifikueset e Euro U21.

Presidenti i Federatës Shqiptare të Futbollit, Armando Duka ka bërë një postim pak më parë në rrjetet sociale teksa shkruan se Shqipëria e Futbollit tashmë është një realitet në rritje të vazhdueshme në çdo drejtim.

“Të dashur miq,Sot shijuam një tjetër ditë e shkëlqyer për futbollin shqiptar. Ekipi U-21 arriti një fitore të rëndësishme ndaj Sllovenisë, me një paraqitje bindëse, duke konfirmuar cilësitë dhe vlerat që ka në përbërje. Brenda 3 ditësh na dhuruan dy fitore me 4 gola të shënuar dhe zero të pësuar. Kjo është ajo që ne kërkojmë nga kjo skuadër dhe kjo është rruga që duhet të ecin. Asgjë nuk është e pamundur.Ekipi U-19 përsëriti sot pasdite veten ndaj Malit të Zi, ku në 2 ndeshje të luajtura në Ulqin brenda pak ditësh na dhuroi dy fitore me lojë bindëse. Përgëzime për djemtë e rinj kuqezinj që së shpejti fillojnë rrugëtimin kualifikues ku duhet të na dhurojnë lojra të bukura dhe rezultate pozitive.Sot Shqipëria e futbollit është një realitet në rritje të vazhdueshme në çdo drejtim, duke konfirmuar punën e mirë që Federata Shqiptare e Futbollit bën. Ne besojmë se me punë mund të shkojmë larg, dhe rezultatet e fundit të skuadrave tona e tregojnë më së miri këtë”, shkruan Duka.

Ndajeni këtë artikull me të tjerë duke klikuar ikonat më poshtë