Shorti i hedhur mesditën e sotme në Nyon të Zvicrës ka zbardhur skenarin e plotë të fazës me eliminim direkt në Champions League, duke përcaktuar jo vetëm çiftet e 1/8-ave, por edhe rrugën drejt finales së madhe.
Shorti ka prodhuar përplasje pretendentësh që në start, me Real Madrid që do të sfidojë Manchester Cityn në një finale të parakohshme. Fituesi i këtij çifti do të gjejë përballë në çerekfinale fituesin e duelit Atalanta-Bayern Munich.
Në krahun tjetër, Barcelona dhe Arsenali duket se kanë një rrugë më të favorshme në letër. Katalanasit, nëse kalojnë Newcastle, do të presin fituesin e Atletico Madrid-Tottenham.
Ndërkohë, “Topçinjtë” e Londrës, nëse kalojnë Bayer Leverkusenin, do të kenë një çerekfinale më të lehtë ndaj fituesit të çiftit Bodo/Glimt-Sporting Lisbona.
Kur luhen fazat e ardhshme të Champions League?
Roundi i 16: 10/11 dhe 17/18 Mars 2026
Çerekfinale: 7/8 dhe 14/15 Prill 2026
Gjysmëfinale: 28/29 Prill dhe 5/6 Maj 2026
Finalja: 30 Maj 2026 (Budapest)
