Një person u plagos dhe një depo e madhe gruri u shkatërrua plotësisht në një sulm me raketa ruse në rajonin lindor të Ukrainës Dnipro gjatë fundjavës, tha pronari i objektit Ukrlandfarming të dielën vonë mbrëma.
Ukrlandfarming është një nga fermat më të mëdha bujqësore në Ukrainë, e cila si rezultat i pushtimit rus në vitin 2022 ka pësuar humbje prej rreth 1 miliardë dollarësh në fund të vitit 2023.
“Në mbrëmjen e 9 marsit 2024, armiku nisi një sulm me raketa në rajonin e Dnipros. Një 58-vjeçar, punonjësi ynë, u plagos. Objektet e prodhimit të kompanisë sonë u shkatërruan plotësisht”, tha kompania në një deklaratë.
Analistët në Shkollën Ekonomike të Kievit (KSE) thanë muajin e kaluar se sektori i bujqësisë ka pësuar humbje direkte dhe indirekte prej afro 80 miliardë dollarësh për shkak të pushtimit rus. Kjo shifër përfshin humbje prej 5.8 miliardë dollarësh nga dëmtimi i pajisjeve, 1.8 miliardë dollarë nga dëmtimi i silosit dhe gati 2 miliardë dollarë nga dëmtimi i produkteve bujqësore. Që nga fillimi i janarit 2023, analistët vlerësuan këto humbje në 38 miliardë dollarë. /
