Fill pas deklaratave të Rusisë, se ka dërguar një delegacion të nivelit të lartë, në kryeqytetin e Bjellorusisë, Minsk, për bisedime me Ukrainën ka ardhur dhe reagimi i presidentit Zelensky.
Ai e ka refuzuar ofertën e rusëve, duke thënë se bisedimet në Minsk mund të ishin të mundshme nëse Rusia nuk do të kishte sulmuar Ukrainën nga territori bjellorus.
Megjithatë, ai e lë të hapur derën për negociata në vende të tjera.
“Nëse nuk do të kishte pasur veprime agresive nga territori juaj, ne mund të bisedonim në Minsk… qytetet e tjera mund të përdoren si vend për bisedime. Sigurisht që ne duam paqe, duam të takohemi, duam që lufta të përfundojë. Varshavë, Bratislavë, Budapest, Stamboll, Baku – ua kemi ofruar rusëve.
Çdo qytet tjetër do të na përshtatet gjithashtu – në një vend, nga territori i të cilit nuk lëshohen raketa ndaj nesh. Vetëm kështu negociatat mund të jenë të ndershme dhe mund t’i japin fund luftës”, ka thënë Zelensky.
Në ditën e 4 të luftimeve në Ukrainë, rusët kanë përparuar në qytetin e dytë më të madh të vendit, Khrakov, ndërkohë që Kievi mbetet ende në duart e vendasve.
Janë të paktën 240 të vrarë nga radhët e ukrainasve, ndërkohë që shumë shtete kanë dhënë ndihmën e tyre ndaj Ukrainës, qoftë me armë, qoftë me ndihma humanitare.
…
/faxweb
