Rusia dhe Ukraina kanë shkëmbyer të burgosurit ndërsa në kuadër të kësaj janë liruar 52 ukrainas dhe 50 rusë.
Kreu i Zyrës Presidenciale Shtetërore të Ukrainës, Andrii Yermak në një postim nga Twitteri njoftoi se 52 ukrainas u liruan në shkëmbimin e të burgosurve mes Rusisë dhe Ukrainës.
“Kemi arritur të lirojmë 52 njerëz tanë, oficerë, punonjës të shëndetësisë, rreshterë dhe ushtarë”, tha Yermak.
– Lirohen 50 ushtarë rusë
Në një deklaratë nga Ministria ruse e Mbrojtjes thuhet se në kuadër të shkëmbimit të të burgosurve me Ukrainën janë liruar 50 ushtarë rusë.
“Për ushtarët është siguruar mbështetja e nevojshme mjekësore dhe psikologjike”, thuhet në deklaratën ku vihet theksi se këta persona do të transportohen në kryeqytetin Moskë me avionë të ministrisë.
Burimi: AA