Ministria e Jashtme ruse ka bërë me dije se po punon për krijimin e një procedure për kontrollin e misioneve diplomatike të diplomatëve britanikë në territorin e saj.
“Si përgjigje ndaj veprimeve armiqësore të Londrës, duke përfshirë pengimin e funksionimit normal të misioneve të huaja ruse në Britani, pala britanike u informua për vendimin për të futur një procedurë njoftimi për lëvizjen e punonjësve të misioneve diplomatike britanike në territorin e vendit tonë”, thuhet në deklaratë.
Do të jetë e detyrueshme për personelin e Ambasadës Britanike në Moskë dhe Konsullatës së Përgjithshme në Yekaterinburg të dërgojë një njoftim për udhëtim jashtë zonës së lëvizjes së lirë prej 120 kilometrashtë paktën pesë ditë përpara. Dokumenti duhet të përmbajë informacion në lidhje me kohën, qëllimin, llojin e udhëtimit, kontaktet e planifikuara të biznesit, transportin dhe itinerarin e udhëtimit, raporton CNN.
I Ngarkuari me Punë i Mbretërisë së Bashkuar, Tom Dodd, u thirr në agjenci të enjten dhe kaloi mbi një orë në Ministrinë e Jashtme, sipas RIA. Ndërsa hynte në ndërtesë, Dodd u tha gazetarëve: “Ne duam paqe në Ukrainë dhe që trupat ruse të largohen nga Ukraina”.
