Rusia nuk përjashton mundësinë e një krize të re të gazit në Evropë dhe i bën thirrje Bashkimit Evropian të negociojë, tha Alexander Novak, zëvendëskryeministër përgjegjës për çështjet e energjisë, raporton dpa.
“Unë nuk përjashtoj mundësinë që një situatë e tillë të ndodhë përsëri,” tha Novak, duke u kërkuar udhëheqësve të Bashkimit Evropian të negociojnë.
“Ne jemi gati për një dialog,” tha Novak.
Sipas Novak, rreth 25 milionë metra kub gaz mungojnë në objektet evropiane të magazinimit dhe ai beson se “diçka duhet bërë për këtë çështje”.
Superfuqia botërore e energjisë mohon përsëri përgjegjësinë për rritjen e çmimeve sepse, siç pretendon Novak, Rusia po përmbush detyrimet e saj kontraktuale.
Dërgesat në tregjet botërore u rritën deri në 15 përqind në krahasim me vitin e kaluar, dhe në vitin 2021 vetë Rusia konsumoi më shumë gaz se zakonisht. Novak ia atribuon këtë dimrit të ftohtë dhe rimëkëmbjes së ekonomisë.
Kohët e fundit, Presidenti rus Vladimir Putin bëri thirrje për vënien në punë urgjente të tubacionit të gazit Nord Stream 2, i cili do të sillte gaz natyror nga Rusia përmes Detit Balltik në Gjermani.
Novak beson se dërgesat përmes tubacionit do të lehtësonin shqetësimet në tregun e gazit të nxehtë.
Tubacioni është përfunduar, por autoritetet gjermane ende nuk kanë lëshuar një leje përdorimi.
Në fund të shtatorit, disa media gjermane, si Deutsche Welle, raportuan se rusët, duke dashur të detyrojnë Brukselin të pranojë Nord Stream 2, shkaktuan artificialisht një rritje të paparë të çmimeve botërore të gazit që u rrit në një manyrër fantastike, gati 1.000 dollarë për mijë metra kub.
