Rusia ka filluar prodhimin e vaksinës kundër virusit të koronës COVID-19, e quajtur Sputnik V, njoftoi sot agjensia Interfax, duke iu referuar Ministrisë së Shëndetësisë Ruse.
Rusia thotë se vaksina, e zhvilluar nga Instituti i Shkencave Gamaleya të Moskës, është e para në botë që prodhohet.
Agjensitë shtojnë se ajo duhet të jetë në treg në fund të muajit.
Para fillimit të prodhimit, drejtori i institutit, Alexander Gintsburg tha se vaksinimi masiv i rusëve kundër virusit të koronës do të fillojë në dhjetor të këtij viti ose janar të vitit të ardhshëm.
Një milion e gjysmë vaksina në vit
Vaksina do të prodhohet në fabrikën farmaceutike Binnopharm në Zelenograd, një zonë në rrethin e Moskës.
Kompania deklaron se mund të prodhojë 1.5 milion doza vaksinash në vit.
Disa studiues kanë thënë se kanë frikë se Moska zyrtare ka vendosur prestigjin kombëtar përpara sigurisë, sipas Reuters.