Ish-presidenti i SHBA-së, Donald Trump, paditi dje rivalen e tij në zgjedhjet presidenciale të vitit 2016, Hillary Clinton dhe disa demokratë të tjerë, duke thënë se ata u përpoqën të manipulonin ato zgjedhje duke e lidhur fushatën e tij me Rusinë.
Padia përfshin një sërë ankesash që republikani Trump i ka ngritur në mënyrë të përsëritur gjatë katër viteve të tij në Shtëpinë e Bardhë pasi mposhti Hillary Clinton në 2016. Trump në të njëjtën kohë pretendon se humbja e tij në zgjedhjet e vitit 2020 nga presidenti demokrat Joe Biden ishte rezultat i mashtrim i përhapur.
“Duke vepruar së bashku, të pandehurit komplotuan në mënyrë dashakeqe për të sajuar një histori të rreme se kundërshtari i tyre republikan Donald J. Trump ishte në bashkëpunim me një shtet armik të huaj,” pretendon ish-presidenti në një padi prej 108 faqesh të paraqitur në gjykatën federale në Florida.
Padia, ndër të tjera, pretendon për “shantazh” dhe “konspiracion”.
Padia kërkon dëmshpërblim dhe përgjegjësi penale. Trump tha se ishte “i detyruar të përballonte shpenzimet në masën që do të përcaktohej në gjyq, por dihet se ato janë më të larta se 24 milionë dollarë dhe se vazhdojnë të grumbullohen në formën e shpenzimeve të mbrojtjes”.
Mes të akuzuarve në padinë e Trump është dhe Christopher Steele, një ish-oficer i inteligjencës britanike.
