Autoritetet franceze kanë sekuestruar një jaht që i përket Igor Sechin, shefit ekzekutiv të kompanisë shtetërore ruse të energjisë Rosneft, si pjesë e sanksioneve të Bashkimit Evropian për pushtimin në Ukrainë.
Agjentët doganorë kapën anijen brenda natës pasi identifikuan Sechin si aksionerin kryesor të kompanisë që e zotëronte atë, tha ministria franceze e financave.
Jahti kishte mbërritur në La Ciotat, Marseille, në janar për riparime.
Por autoritetet franceze thanë se kishin bërë “rregullime për të lundruar urgjentisht, pa përfunduar punën e planifikuar” kur u inspektua.
Ndfwrkohw The Times shkruan se oligarkët rusë si pronari i Chelsea, Roman Abramovich, mund të mos sanksionohen për muaj të tërë, pasi qeveria nuk ishte në gjendje të ngrinte një çështje kundër tyre.
Zyra e Jashtme dhe Agjencia Kombëtare e Krimit nuk kanë qenë në gjendje të provojnë se ka “baza të arsyeshme” kundër biznesmenëve rusë dhe nuk kanë qenë në gjendje të lidhin financat e tyre me qeverinë e Putinit.
Sipas gazetës, zyrtarët u përpoqën të krijonin një çështje kundër Abramovich në vitin 2018, por iu tha se qeveria mund të paditet për miliona nëse vendimet do të merreshin mbi baza të gabuara.