Presidenti i Parlamentit Evropian, David Sassoli, ka folur këtë të premte për Samitin e PE për Ballkanin Perëndimor, që do të mbahet më 28 janar.
Sassoli është ndalur tek integrimi i Ballkanit Perëndimor në BE, Sassoli përmend edhe rastin e Shqipërisë, ku shprehet se është i zhgënjyer nga vendimi i KE në tetorin që lamë pas.
Në takim do të marrin pjesë kryetarët e parlamenteve të vendeve të Ballkanit perëndimor .
Dihet që ne ishim shumë të zhgënjyer nga dështimi i Këshillit Evropian për të filluar negociatat me Shqipërinë dhe Maqedoninë e Veriut tetorin e kaluar. Tani është koha të ecim së bashku dhe të vazhdojmë të përparojmë. Parlamentet janë thelbësore në këtë drejtim.
Në rezolutën e miratuar tetorin e kaluar, Parlamenti Europian shprehu zhgënjimin që Shqipëria dhe Maqedonia e Veriut nuk arritën të fillojnë bisedimet e pranimit.