Sekuestrohet 3 çanta të mbushur plot me kanabis në Kapshticë, arrestohen dy shtetasit që po e transportonin drejt Greqisë

Operacion Antidrogë nga ana e policisë kufitare të Kapshticës.

Sipas informacioneve paraprake, janë kapur 3 çanta me lëndën narkotike cannabis sativa të cilat janë në peshën 50-60 kg. Po ashtu, forcat e policisë kufitare kanë bërë të mundur arrestimin e dy shtetasve shqiptarë, të cilët dyshohen se bënin transportin e lëndës narkotike drejt vendit fqinj të Greqisë.

Vazhdojnë hetimet nga ana e drejtorisë së policisë së qarkut të Korçës për zbardhjen e plotë të ngjarjes.