Serbët protestë para ambasadës shqiptare në Beograd: “Kosova është zemra e Serbisë”

Screenshot_13-5.png

Ndajeni këtë artikull me të tjerë duke klikuar ikonat më poshtë

Një grup protestuesish pjesë e të djathtës ekstreme në Serbi kanë protestuar ditën e sotme para ambasadës së SHBA dhe asaj shqiptare në Beograd duke bërë thirrje nacionaliste.

Siç raporton Radio Evropa e Lirë, në protestë kanë marrë pjesë 40-50 persona. Ata kanë marshuar nga ambasada amerikane në drejtim të ambasadës shqiptare duke thirrur në kor “Kosova është zemra e Serbisë”.

REL raporton se protestuesit bënë thirrje që të bojkotohen zgjedhjet lokale që do mbahen në Kosovë ditën e nesërme.

Damnjan Knezevic, udhëheqësi i të ashtuquajturave “patrulla e popullit”, bëri thirrje paraprakisht për protestë përmes rrjeteve sociale.

Ai deklaroi në një video në Facebook se protesta po organizohet para ambasadës sepse “Shtetet e Bashkuara të Amerikës janë një nga armiqtë më të mëdhenj të qenies kombëtare dhe mbijetesës së shtetit, veçanërisht në Kosovë”.

/faxweb

Ndajeni këtë artikull me të tjerë duke klikuar ikonat më poshtë