Shtabi i Përgjithshëm i Forcave të Armatosura të Serbisë nisi një iniciativë duke i propozuar presidentit Vuçiç rikthimin e detyrimit për të shërbyer në ushtri deri në katër muaj, njoftoi Ministria serbe e Mbrojtjes.
Ky propozim, siç theksohet në njoftim, vjen pas shqyrtimit të detajuar të situatës së përgjithshme të sigurisë dhe sfidave me të cilat ballafaqohet Republika e Serbisë si një vend ushtarakisht neutral, të cilat imponuan nevojën e rekrutimit, i cili do të mundësonte forcimin e potencialit të përgjithshëm dhe trajnimin e një numri më të madh të qytetarëve për mbrojtjen e vendit.
Shtrohet pyetja: nga kush?
Shumë u shkon mendja te Kosova, aty ku Serbia zhvilloi luftën më të fundit pas shkërmoqjes së ish-Jugosllavisë, por miti serb i vetëviktimizimit ushqehet dhe me faktin e një armiku që e ka gjithnjë në shënjestër: Kroacia.
