Presidenti aktual i Venezuelës Nicolas Maduro fitoi zgjedhjet presidenciale të së dielës me 51 përqind të votave, ndërsa kandidati i opozitës Edmund Gonzales Urrutia fitoi 44 përqind, tha komisioni kombëtar i zgjedhjeve, bazuar në fletëvotimet e numëruara në 80 përqind të qendrave të votimit.
Opozita po përgatitet të kundërshtojë rezultatet e shpallura nga komisioni zgjedhor, raporton AP.
Përfaqësuesit e opozitës thanë se të dhënat që ata mblodhën nga përfaqësuesit e tyre në 30 për qind të qendrave të votimit treguan se Gonzalez mundi Maduron.
Përpara shpalljes së rezultateve, opozita pretendoi se kishte “arsye për të festuar”, duke u kërkuar mbështetësve të shikonin numërimin e votave.
“Rezultatet nuk mund të fshihen. Vendi ka zgjedhur ndryshimin në mënyrë paqësore,” njoftoi Gonzalez në X përpara se të shpalleshin rezultatet zyrtare, raportoi Reuters.
American Edison Research parashikoi në exit poll 65 për qind të votave për Gonzalezin dhe 31 për qind për Maduron. Një sondazh i Venezuelës Meganalisis parashikoi vetëm 14 për qind të votave për presidentin aktual dhe 65 për qind të votave për kandidatin e opozitës.
Transparencë dhe llogaridhënie
Zgjedhjet presidenciale u mbajtën dje në Venezuelë dhe kundërshtarë të Maduros ishin përfaqësuesi i opozitës Edmundo Gonzales Urrutia dhe tetë kandidatë të tjerë.
Ky do të jetë mandati i tretë presidencial i Maduros, raporton AJB.
Sekretari amerikan i Shtetit Antony Blinken u bëri thirrje autoriteteve zgjedhore të Venezuelës që të publikojnë një tabelë të detajuar të rezultateve të votimit për të siguruar, tha ai, “transparencë dhe llogaridhënie”.
🚨 EU 🇺🇸 expresa “serias preocupaciones” de que el resultado en #Venezuela 🇻🇪 no refleje la voluntad popular.
Desde Japón, el secretario de Estado, Antony Blinken, pide que cada voto se cuente de forma “justa y transparente”pic.twitter.com/I2jyQKhHcC
— Manuel Lopez San Martin (@MLopezSanMartin) July 29, 2024
Blinken shtoi se ishte e një rëndësie jetike pas përfundimit të votimit që çdo votë të numërohej në mënyrë të drejtë dhe transparente.
Maduro ka qenë në krye të Venezuelës që nga viti 2013.