5 shkurt Ministri i Shtetit për Mbrojtjen e Sipërmarrjes, Eduard Shalsi u ndal sot në Berat ku zhvilloi një takim me përfaqësues të komunitetit të biznesit në këtë qytet, si dhe vizitoi disa nga fabrikat e prodhimit.
Ministri Shalsi gjatë takimit u njoh me disa nga shqetësimet me të cilat përballet komuniteti i biznesit në këtë qytetet, si mungesa e fuqisë punëtore, ndërsa prezantoi disa nga nismat e qeverisë për lehtësimin e klimës së biznesit.
“Vendosja e koordinatorëve të dedikuar të biznesit në çdo institucion, shërbimet online dhe vijimi i reformës së derregullimit mbeten prioritet për ne dhe jam i bindur që do të përmirësojnë klimën e biznesit në vend”, – tha Shalsi.
Ndërkohë, ministri theksoi se shifrat e vizitorëve janë rritur ndjeshëm dhe hotelet përjetojnë një moment të mirë.
