Shteti i Teksasit në Amerikë ka vendosur trupat e Gardës Kombëtare në kufirin me Meksikën.
250 persona do të dërgohen për të patrulluar zonën brenda 72 orëve, tha një zëdhënës i Gardës.
Ky vendim i shtetit të Teksasit u mor pas thirrjes nga ana e Presidentit Donald Trump për “të dërguar 4000 trupa të Gardës Kombëtare për të siguruar kufirin me Meksikën deri në ndërtimin e një muri kufitar”.
Trump është shprehur që në marrjen e mandatit të tij se krahas ndërtimit të murit, do të ndërmarrë edhe masa të rrepta për emigrantët.
Ai ka thënë se nuk do të lejojë hapjen e kufijve për drogën dhe krimin.
Ndërsa Presidenti i Meksikës e ka dënuar këtë vendim, duke e quajtur qëndrim kërcënues dhe mosrespektues nga ana e Trump-it.
Krahas Teksasit dhe Arizonës, edhe New Mexico-s e Kalifornisë u është kërkuar që të forcojnë sa më shumë mbrojtjen.
