Shtetet e Bashkuara te Amerikes kane falenderuar Shqiperine per ndihmen dhe solidaritetin e treguar duke kthyer shtetasit amerikane ne atdhe. Në një intervistë dhënë “Zërit të Amerikës” i derguari i posaçëm i SHBA për Ballkanin Perëndimor, Matthew Palmer vlereson partneritetin me Tiranen.
MATTHEW PALMERI DERGUAR I SHBA PER BALLKANIN PERENDIMOR
“Vendet e rajonit Shqiperia Serbia e Mali i Zi kanë qenë shumë bujare, duke lejuar amerikanët të kthehen nga vendet e tyre në SH.B.A., shpesh pa ndonjë kosto. Ne jemi mirënjohës për partneritetin tone dhe dhe solidaritetin e treguar. Shume nga kolegët e mi po investojnë kohë dhe përpjekje për të ndihmuar amerikanët të kthehen në shtëpi, por unë do të doja të theksoja partneritetin që kemi me vendet e Ballkanit Perëndimor.”
Gjate intervistes diplomati amerikan ka theksuar se bashkëpunimi i Kosovës dhe Serbisë në lidhje me çështjen e koronavirusit është inkurajues.
MATTHEW PALMERI DERGUAR I SHBA PER BALLKANIN PERENDIMOR
“Mendoj se bashkëpunimi i Kosovës dhe Serbisë në lidhje me çështjen e koronavirusit është vërtetë inkurajues. Ky është një lajm i rrallë i mirë në këtë situatë. Kështu që është inkurajuese të shihet se si Kosova dhe Serbia po gjejnë pikat e përbashkëta dhe bashkëpunimin për ta tejkaluar kërcënimet.”
Ne lidhje me ndihmen e ardhur ne vendet e Ballkanit nga Kina dhe Rusia ne situaten e pandemise, Palmer shtoi se ky nuk është një konkurs. Nëse Kina dhe Rusia mund të ndihmojnë vendet në Ballkanin Perëndimor, kjo është nje gje pozitive u shpreh zyrtari amerikan.