Ushtria amerikane do të testojë një raketë balistike ndërkontinentale (ICBM) të mërkurën, tha Pentagoni, duke shtuar se e kishte informuar Rusinë paraprakisht.
Një zëdhënës i Pentagonit e përshkroi testin si rutinë dhe tha se ai duhet të tregojë gatishmërinë e ushtrisë amerikane, raporton Reuters.
SHBA kishte planifikuar një test rakete Minuteman III muajin e kaluar, i cili u vonua për të shmangur përshkallëzimin e tensioneve me Pekinin gjatë një shfaqjeje të forcës kineze pranë Tajvanit.
Raketa do të lëshohet nga Baza e Forcave Ajrore Vandenberg në Kaliforni, rreth 100 kilometra në veri të Santa Barbara.
“Qëllimi i programit të testimit është të demonstrojë gatishmërinë e forcave bërthamore të Amerikës dhe të sigurojë besim në sigurinë dhe efektivitetin e parandalimit bërthamor të kombit tonë,” tha gjenerali Pat Ryder.
Forcat Ajrore të SHBA-së thanë në gusht se kishin kryer më shumë se 300 teste të raketave balistike ndërkontinentale, por se “nuk ishte rezultat i ngjarjeve aktuale në botë”.