Windborne Systems tha se beson që një nga balonat e saj meteorologjike u përplas me një Boeing 737 MAX të United Airlines në Utah të enjten.
Kreu i Bordit Kombëtar të Sigurisë së Transportit të SHBA-së (NTSB) tha sot se një balonë meteorologjike ka të ngjarë të jetë përgjegjëse për thyerjen e xhamit të përparmë të një aeroplani të United Airlines në një lartësi prej 36,000 këmbësh, duke e detyruar pilotin të bëjë një ulje emergjente. Windborne Systems tha të hënën (20 tetor) se beson që një nga balonat e saj meteorologjike u përplas me një Boeing 737 MAX në shërbim të fluturimit.
Shefja e NTSB-së, Jennifer Homendi, tha se kishte marrë raportin nga linja ajrore dhe po e shqyrtonte atë si pjesë të hetimit për aksidentin, i cili, në rrethana të caktuara, “mund të kishte qenë katastrofik për avionin dhe pasagjerët e tij”.
Xhamat e përparmë të avionit janë të laminuar për të parandaluar humbjen e presionit të kabinës nëse dëmtohen gjatë fluturimit.
Javën e kaluar, United Airlines raportoi se një objekt “misterioz” goditi xhamin e përparmë të një aeroplani në 36,000 këmbë, duke e çarë atë dhe duke plagosur pilotin. Aeroplani u ul shëndoshë e mirë në Utah dhe pasagjerët hipën në një aeroplan tjetër disa orë më vonë për të arritur në destinacionin e tyre përfundimtar, Los Angeles.