Shkalla e abortit në të gjithë SHBA-në është rritur mes viteve 2017-2020.
Sipas raportit të publikuar nga Instituti Guttmacher, një grup kërkimor që mbron të drejtën e grave për abort, më shumë se 930 mijë raste të abortit janë regjistruar në vitin 2020.
Të dhënat zbuluan se 1 në 5 shtatzëni përfunduan me abort në vitin 2020 dhe normat e abortit ishin në rritje të vazhdueshme në periudhën 2017-2020.
Kjo normë, e cila ishte 13,5 për 1.000 gra në vitin 2017, u rrit në 14,4 në vitin 2020.
Në veçanti, në shtetin e Illinoisit, normat e abortit u rritën me 25 për qind në 2017-2020 pasi financimi i qeverisë u sigurua për familjet e varfra.
Nga ana tjetër, thuhet se procesi i pandemisë së COVID-19 uli numrin e aborteve në disa shtete të SHBA-së.
Në 2019-2020, numri i aborteve u ul me 6 për qind në shtetin e New Yorkut dhe 2 për qind në Teksas krahasuar me një vit më parë. Kjo situatë mund të jetë shkaktuar nga kufizimet e COVID-19.
Normat më të ulëta të abortit u arritën në vitin 2017 pasi aborti u legalizua në vend në vitin 1973.
Në vitin 2017 në SHBA janë regjistruar 862 mijë aborte.
Burimi: AA
