Administrata Federale e Aviacionit (FAA) ka thënë se ka miratuar përdorimin e vaksinës Pfizer / BioNTech kundër COVID-19 për pilotët dhe kontrollorët e trafikut ajror.
Rregullatori ajror amerikan deklaroi se pilotët dhe kontrollorët nuk lejohen të fluturojnë ose të kryejnë detyra sigurie 48 orë pasi kanë marrë doza të vaksinës, raporton Reuters.
FAA tha se do të “monitorojë reagimin e pacientit ndaj vaksinës Pfizer / BioNTech dhe mund të rregullojë këtë politikë sipas nevojës për të siguruar sigurinë e ajrit”.
Miratimi urgjent i FDA
Administrata Federale e Ushqimit dhe Barnave (FDA) e SHBA lëshoi të shtunën një licencë emergjence për të përdorur një vaksinë të zhvilluar nga Pfizer me partnerin gjerman BioNTech, e cila që ka treguar 95 për qind efektivitet në parandalimin e COVID-19.
Qeveria amerikane ka njoftuar se do të fillojë shpërndarjen e vaksinës në të gjithë vendin menjëherë pas miratimit të FDA.
Vaksinat e para do të fillojnë në fillim të javës së ardhshme.