Skip to content

Shefi i NATO-s diskuton shqetësimet e sigurisë së Turqisë me kryeministren suedeze

  • 22/06/2022

Ndajeni këtë artikull me të tjerë duke klikuar ikonat më poshtë

Shefi i NATO-s, Jens Stoltenberg, tha sot se ka diskutuar shqetësimet e sigurisë së Turqisë me kryeministren e Suedisë.

“Fola me kryeministren suedeze Magdalena Andersson për aplikimin e Suedisë në NATO dhe shqetësimet e sigurisë të ngritura nga aleati ynë Turqia, tha Stoltenberg në një postim në Twitter.

Ai theksoi se “bisedimet për rrugën përpara do të vazhdojnë në ditët në vijim”.

Javën e kaluar, Stoltenberg konfirmoi se Turqia ka “shqetësime legjitime në lidhje me luftën kundër grupit PKK dhe organizatave të tjera”, duke shtuar se PKK konsiderohet një organizatë terroriste nga NATO, BE-ja, si dhe Finlanda dhe Suedia.

Suedia dhe Finlanda aplikuan zyrtarisht për t’iu bashkuar NATO-s më 18 maj, një vendim i nxitur nga lufta e Rusisë kundër Ukrainës, e cila filloi më 24 shkurt.

Por Türkiye, anëtare e vjetër e aleancës, ka shprehur kundërshtime ndaj aplikimeve të tyre për anëtarësim, duke kritikuar shtetet nordike për tolerimin dhe madje mbështetjen e grupeve terroriste.
Burimi: AA

Ndajeni këtë artikull me të tjerë duke klikuar ikonat më poshtë