Drejtori i Urgjencës, Skënder Brataj ka treguar detaje të reja që lidhur me virusin Covid-19. Në një postim në Facebook, Brataj shkruan se shkruan se gjatë ditëve të fundit po vërehen 3 dukuri në sfidën ndaj Sars-Cov2 që shkakton Covid-19.

Në shkrimin e tij Brataj vë në dukje se ajo që i bën më shumë përshtypje është shtimi i moshave të reja me Coronavirus, gjë që deri para pak kohësh nuk ndodhte.

Brataj shprehet se virusi është kthyer nga vatra të kontrolluara në transmetim komunitar.

Në këtë fazë të epidemisë, sipas drejtorit të Urgjencës është e rëndësishme respektimi i rregullave, distancimi, higjiena dhe përdorimi i domosdoshëm i maskave në ambiente të mbyllura.

Postimi i plotë

Në këtë fluks lajmesh dhe informacioni gjithsecili prej nesh mundohet të mari atë që i afrohet gjykimit të tijë personal. Ne nxjerrim konkluzione në bazë të besueshmërisë që kemi në persona të identifikuar të besuar.

Megjithatë në çdo moment ka persona, grupime apo protagonizëm nga shumë njerëz që i shtyjnë këto lajme drejt përhapjes së tyre për një qëllim të caktuar, për interpretim personal ose forcë zakoni.

Seleksionimi i këtyre lajmeve bëhet nga sejcili prej nesh deri në momentin që nuk na prek personalisht. Nga momenti që jemi të prekur kërkojmë me fanatizëm të vërtetën, kërkojmë ndihmë, kërkojmë qetësi dhe siguri.

Jetojmë në një moment të vështirë të pandemisë. Sotë nuk dua të hyjë në shifra apo përqindje thjesht të ndajë shqetësimin me ju.

Pa hyrë në analiza apo polemika, pa gjetur fajtorë siç e kemi zakon në Shqipëri, pa gjykuar doja të thoja se po vërehen tre dukuri në sfidën ndaj Sars-Cov2 që shkakton sëmundjen e COVID-19. Shtimi i rasteve në përgjithsi, shtimi i të sëmurëve, dhe prekja e moshave të reja deri dje ishin të pa prekura.

Ajo që më shqetëson më shumë është rritja e numrit të pacientëve si në banesë po ashtu edhe në spital. Kalimi i infeksionit nga vatra të kontrolluara në transmetim komunitar.

Në këtë fazë të pandemisë a mund të bëjmë ne diçka më shumë për të parandaluar apo për të përmirësuar situatën e këtij infeksioni?

PO A kemi nevojë për masa drastike izolimi? JO Kush është mënyra më e mirë për të vepruar në këtë moment? RESPEKTIMI I RREGULLAVE. Pa tjetër që varet nga ne, thjesht të respektojmë disa rregulla të thjeshta.

Domosdoshmëri është përdorimi i maskave në ambiente të mbyllura, ndofta është momenti që të ngrejmë zërin kur shikojmë persona të tjerë brenda këtyre ambienteve pa mask. Ruajtja e distancës 1,5-2 metra në këto ambiente. Dezinfektimi i duarve në hyrje të çdo ambienti të mbyllur pa përdorur doreza.

Karantinim dhe distancim fizik për të gjithë ata që rezultojnë të infektuar.

Nëse ke pasur kontakt me persona të infektuar dhe shfaqen shenja e simptoma konsideroje veten si të infektuar. Mos përdor mask në ambient të hapur nëse nuk je prekur nga infeksioni. Mos përdor doreza në ambient të hapur.

/shqip