Shefi i shtabit të Forcave të Armatosura të Tajvanit dhe shtatë oficerë u vranë të enjten në një përplasje me helikopter, tha ministria e Mbrojtjes vendase.
Gjeneral Shen Yi-ming, shefi i Shefit të Shtabit të Forcave të Armatosura, ishte midis tetë oficerëve të lartë të ushtrisë tajvaneze – përfshirë tre gjeneralë – të cilët u shuan në përplasje.
Helikopteri i tyre Black Hawk u rrëzua në malësitë afër Taipeit. Kishte trembëdhjetë njerëz në të.
Në kohën e përplasjes, gjenerali 62-vjeçar dhe pasagjerët e tjerë në helikopter po vizitonin ushtarë të vendosur në bazën rreth Qarkut Yilanu, në verilindje të ishullit, si pjesë e detyrës së tyre të rregullt.
“Pesë prej tyre mbijetuan dhe tetë kolegë të tyre u vranë. Eshtë e vështirë për ne, ne u shprehim ngushëllimet familjeve të tyre”, u tha gazetarëve, komandanti i Forcave Ajrore të Tajvanit, Hsiung Hou-chi.
Zyra e Presidentit Tsai Ing-wen njoftoi se ajo kishte anuluar të gjitha ngjarjet në lidhje me fushatën presidenciale në tre ditët e ardhshme. Zgjedhjet do të zhvillohen në 11 janar.
“Si komandant i përgjithshëm i forcave të armatosura, Presidenti Tsai dhe zyra e saj do të përqëndrohen në veprimet e shpëtimit dhe do të përpiqen të përcaktojnë shkaqet e përplasjes,” thuhet në deklaratë.
