Qeveria hollandeze tha se do të paguante 5,000 euro për veteranët e saj në Kombet e Bashkuara, të cilët dështuan të parandalojnë masakrën e Srebrenicës 1995, si një “gjest dhe shenjë mirënjohjeje” për shërbimin në rrethana të tmerrshme, raportoi AP.

Pagesa, e njoftuar nga ministri i mbrojtjes, është një nga përgjigjet e qeverisë ndaj një studimi që përfshin 850 ushtarë nga misioni paqeruajtës hollandez (Dutchbat, op. Cit.), shtoi agjencia.

Ushtarët thuhet se ishin në Srebrenica kur qyteti u mor nga ushtarët serbë të Bosnjës të drejtuar nga gjenerali Ratko Mlladiç, i cili akuzohet për gjenocid nga gjykata e KB në Hagë për rolin e tij në masakrën e tmerrshme në të cilën u vranë më shumë se 8,000 njerëz në pak ditë.

“Hollanda ka luftuar prej kohësh me pasojat e gjenocidit të Srebrenicës dhe qeveria e ish-kryeministrit Ëim Kok dha dorëheqjen në 2002 pasi autoritetet hollandeze kritikuan ashpër dërgimin e trupave në zonën e rrezikut pa armë dhe autoritet adekuat për të mbrojtur rreth 30,000 refugjatë”, raportuan mediat e huaja.

Gjykata: Hollanda është pjesërisht përgjegjëse

Gjykata e Lartë Hollandeze vendosi në 2019 që Hollanda ishte pjesërisht përgjegjëse për vdekjet e rreth 350 muslimanëve që u vranë nga forcat serbe të Bosnjës, kujton AP.

Por gjithashtu, gjykata arsyetoi që paqeruajtësit e vendit evakuuan njerëzit nga baza e tyre pranë Srebrenicës në 13 korrik 1995, megjithëse e dinin se ata ishin “në rrezik serioz për t’u abuzuar dhe vrarë” nga ushtarët serbë.

Nga ana tjetër, Kombet e Bashkuara janë kritikuar për mosmiratimin e përdorimit të sulmeve ajrore të NATO-s për të mbështetur trupat holandeze në tokë pasi ato u sulmuan.

Në një mesazh të përcjellë vitin e kaluar, në 25-vjetorin e gjenocidit të Srebrenicës, kryeministri Mark Rutte theksoi vuajtjet e muslimanëve boshnjakë që kishin humbur të dashurit e tyre dhe përmendi “burra dhe gra që vdiqën në korrik 1995 nën sytë e batalionit hollandez të KB”.