Policia ka reaguar në lidhje me ngjarjen e rëndë, ku dy vëllezër janë përfshirë në një sherr, ku njëri prej tyre ka goditur me sëpatë dhe tjetri me armë zjarri, ndërsa “molla e sherrit” ka qenë prona.
Ngjarja ka ndodhur rreth orës 08:00 në fshatin Qukas i Vjetër.
Sipas njoftimit të policisë, njëri prej vëllerzërve ka goditur me sëpatë tjetrin, ndërsa ky i fundit i është kundërpërgjigjur duke e qëlluar me armë dhe plagosur rëndë.
Lushnjë/Informacion paraprak
Rreth orës 08:00, në fshatin Qukas i Vjetër, dyshohet se për shkak të konflikteve për motive pronësie, shtetasi H. M. ka goditur me mjet prerës (sopatë), vëllanë e tij, shtetasin N. M., rreth 77 vjeç, ndërsa ky i fundit ka plagosur shtetasin H. M., me armë zjarri pistoletë.
Të dy të dëmtuarit janë transportuar në spital, ku janë në kujdesin e mjekëve. Aktualisht, shtetasi H. M. është në gjendje të rëndë shëndetësore.
Shërbimet e Policisë kanë shkuar menjëherë në vendin e ngjarjes, ku kanë sekuestruar në cilësinë e provës materiale, armën e zjarrit pistoletë dhe mjetin prerës (sopatë), të përdorura gjatë konfliktit.
Grupi hetimor po punon për të dokumentuar me prova ligjore rrethanat e rastit.
